بكره احلي
كتب/ تسنيم الباجوري
همسه في أذن الشباب في بداية حياتهم الجامعية ازاي هتقدر يكون لك شخصية متميزه ومستقلة
انت دخلت مجال مش مجالك تحت اي ظرف ممكن مجموع ممكن ظروف خاصة جعلتك في المكان دا…. هتعمل ايه؟؟
هتستسلم؟! ولا هتحاول تثبت ذاتك وتتحدي الصعب ؟!
لو هتستسلم ف انت خلاص طريقك معروف
أما لو اخترت تثبت ذاتك لازم تعرف انك علشان توصل محتاج يكون لك هدف علشان توصله ويكون هدف واضح ومحدد وسهل أنك كل فتره تقيس مدي تحقيقك له
حط الهدف دا قدام عنيك وطلع منه اهداف صغيره بحيث تقدر تحققها للوصول للهدف الأكبر
اشتغل علي نفسك بصوره مستمره
تعرف علي كل جديد واعرف كل يوم معلومه وشيء عن كل شيء وزود خبراتك ومعلوماتك
ادخل اكتر من مجال لحد ما توصل ل مجال تلاقي نفسك فيه
دور جواك علي حاجه انت مكنتش واخد بالك منها
خلي عندك عزيمه وصبر للوصول لهدفك
( نمي نفسك ..طور ذاتك هتوصل لهدفك)
