كتبت /هاجر السيد
تقبلي حياتك ، عالجي نفسك
الجواز مش مصحة علاجية
بلاش شكل حياتك في بيت أهلك أيًا كانت تبقى سبب إنك تختارى حياة تانية عشان تهربي من حياتك الحالية لمجرد إن فكرتك للحياة التانية دي إنها هتكون أجمل من حياتك الحالية! ، عارفة إن في بنات كتير بتعاني في بيت أهلها وبتقول أنا هتجوز يمكن تكون حياتي أجمل و وو.طب تعالي أقولك ليه راسمة في خيالك إن الجواز هو طوق النجاة الوحيد من كل حاجة وحشة في حياتك ، في حين إن ممكن تفكري في كذا حاجة تكون هي طوق النجاة ليكي ، طبعًا هنا انتي بتكوني متجوزة لهدف معين وهو هروبك من بيت أهلك ومن حياتك معاهم وبتدخلي حياة الزوجية وانتي راسمة لنفسك حياة بشكل معين وبتتصدمي بواقع تاني خال.وده لأنك اتجوزتي من غير ما تحطي شروط أو مواصفات.لشريك.حياتك بس عايزة تهربي من حياتك.وخلاص.مش يمكن الشخص اللي هيتجوزك ده والحياة اللي هتدخلي فيها دي تكون حياتك الحالية أرحم منها حتى لو جالك شخص كويس فهو مش ساحر عشان يغيرلك حياتك ويخليكي سعيدة ولا حتى إنه يغير ويصلح مشاكلك النفسية ، مش عشان اتحرمتي من حاجه في بيت أهلك هو لازم وحتمًا يعوضك عنها.
