خلاصة اجتماع ترامب بملك الأردن
ترامب بلطجي وديكتاتور مفيش رئيس أمريكى من 50 سنه استخدم أسلوب الترهيب والنظرات فى القعده والضغط ده على رئيس فى البيت الأبيض او اي مكان . كل كلمه لملك الاردن ترامب يبص له بتكشيره كلها تهديد .. فين الدبلوماسيه وفين القوانين والأعراف الدولية والبروتوكولات فى استقبال الرؤساء حتى لو هناك خلاف ميبقاش بالشكل ده ..
ملك الأردن مضغوط لأن الاردن فى جيب أمريكا قواعد عسكريه ودعم الخ الخ
ملك الأردن معذور خايف على نفسه لأنه ف أمريكا لو اعترض أو عمل حاجه ميعرفش ايه هيكون مصيره أو مصير بلاده قبل ما يوصل الاردن .
ملك الاردن اتفضح على الهواء أمام المجتمع الدولى . شكله كان سئ جدا وقاعد خايف ومشدود ..
والله مشفقه عليه جدا وزعلت عليه ..
ده جورج بوش الأب والابن وكلينتون وأوباما وبايدن معملوش كده مع الرؤساء فى مؤتمر صحفى .. زى ما عمل ترامب واستخدم طريقة الترهيب والتهديد ف القعده ..
الرئيس بايدن قبل انتهاء ولايته قال ترامب هيكون رئيس دكتاتوري . وصدق ف كلامه
الناس اللي كانت بتقول الرئيس ميسافرش أمريكا كان عندهم حق مع انى كنت معترض عليهم
وفعلا الرئيس السيسي أعلن منذ قليل بإلغاء زيارته إلى واشنطن
لكن ملك الاردن قال للمراسلين فى حديثه مع ترامب
هناك اجتماع هيكون فى السعوديه بينه وبين ترامب والرئيس السيسى وولى العهد السعودي الأمير محمد بن سلمان
يا معالى ولى العهد سمو الأمير محمد بن سلمان . بعد اللى حصل ألغى زيارة ترامب في السعوديه . ونعمل قمة عربيه عاجله وحاسمه فى قرارات تاريخية . نقدمها شويه بدل يوم 27 فبراير تبقى الاسبوع القادم على طول . كرامة زعيم عربي من كرامتنا كلنا .
