كوباية الشاي
وحكاوي الليل
وكلام في عيونه مبينامش
الساعة ٣
والناس نايمين
بتنادي عليا واسمي مابين شفتينك نور
فجري اللي بيضحك
قلبي اللي بيفرح بعد سنين م ابات مكسور
حمودة وليدي
نبته بتطرحلي في كل ثواني فرح وسرور
حمدي يا منصور
بيخطي ف يزرع مطرح رجله بشر طيبين
دراويش بتغني باسم الله
الله الله مدد يا رحيم
شايفينه عليل
كان دوا لجروحي
وقلب وعين
مع ان الناس مكانوش شايفين
حمدي يا حمودة
بتخطي ف تزرع كل الأرض بشر طيبين
الكون ومافيه ميجوش في غلاك
طب عمرك شوفت ملاك ع الارض
انا ابويا ملاك
اجمل انسان على وش الأرض
ينده ع اسمي فيطرح ورد
مي يا ميويا
كوباية الشاي
والقهوة زيادة
م بلاش السكر
معلش العادة
ماشي المرة دي
م تقولّي قصيدة
يعني هتسمعني
اخلصي يا عنيدة
وادي وحدة جديدة
لسه كاتباها
طبعا علشانك
مش عايز تسمع
تحضر كلماتي
انا اصلا بكتب علشانك
وبعيش علشانك في الدنيا
متبصش كده
انا عارفة أنها اصلا فانية
وضعيفة وصوت
بس انت معايا
نفسك موجود
طب قولّي قصيدة
او كلمة جديدة
اترك تعليقاً
- مشهور
- التعليقات
- Latest
الصحافة الحره من مصدرها
جريدة صحفية مستقلة تصدر لتوزع على جميع الأفراد في الدولة من دون انتماء لإقليم أو محافظة معينة وتهتم بتغطية الأخبار الحصرية التي تحدث في الدولة ككل