بقلم : الدكتوره رانيا بسيونى
بقينا ازاى كده ولحد فين واصلين قلوبنا قاسية وكأنها زى عتمه السنين
ضحكتنا مش صافية وبقينا بعض مش فاهمين
ضحكة صفراء وراها حقد وحسد والحب مش عارفين راح فين
وضحكة مزيفة بالأهات متكلفة
وضحكة تانية بالدموع مرسومه أل يعنى مش مفهومة من كتر الأوجاع مكتومة
جفا القلوب انتشر نسينا ان احنا بشر وبتحصل حاجات تنطق
الحجر واحنا زى ما احنا لا بنتغير ولا نفتكر
ياناس فوقوا بقى الدنيا بقت مدربكه أمراض بتيجي وأمراض بتروح.
عيشتنا بقت ماشية بطلوع الروح
الضمائر ماتت والأخلاق كلام كتابة على ورق باتت
نبص فى وشوش بعض واحنا تائهين
واخواتنا و اصحابنا و عيشتنا نسيناه وبقينا مع التليفون عايشين
شوفوا لحد فين واصلين اوعوا تقولوا ليا مش فاهمين
احنا لجفاف القلوب بقينا مدمنين…..💔