«اختلاف»

«اختلاف»
بقلم الكاتبه: بسمله هاني

اي هو الاختلاف؟ واي تأثيره ع المجتمع؟ هل الاختلاف مقتصر ع اني البس هدوم مختلفه عن الاخرين؟ ولا اكله محدش بياكلها غيري؟ ولا ان رأيي دايما غير رأي اي حد؟

من بدايه الخلق وربنا ميزنا بأننا نكون مختلفين عن بعض من حيث الشكل والطباع والثقافات والسياسات وحتي الاديان.

بنتميز دايما بأختلاف العادات والتقاليد زي طرق التحيه واصناف الاكل وطرق الاحتفال بالمناسبات. و اللغه كل مجتمع وليه ثقافته اللغويه اللي بيتعز بيها والقوانين والدستور كل مجتمع مختلف عن غيره ف قوانينه واحكامه.

لكن في نوع من الاختلاف اوقات بيكون عليه جدال وهو اختلاف الرأي. في جمله شهيره بتقول اختلاف الرأي لا يفسد للود قضيه. لكن ع ارض الواقع اختلاف الرأي يفسد الود ويفسد العلاقات وممكن يحصل نزاعات لمجرد اختلافنا ف الرأي.

ليه مبدأ تقبل الاختلاف بدأ يكون منعدم؟ ليه مش بناخده ع انه نوع من انواع التعلم والتفتح الفكري والاستفاده من افكار اللي قدامي وكمان افهم اي سبب تفكيره المختلف؟

لازم الكل يكون عنده مبدأ احترام الحريه ف التعبير عن افكاره وأراءه ومخططاته ونتقبلها بصدر رحب حتي لو معارضين للافكار واجب علينا تقبل اختلافه ونبدأ نعبر عن معارضتنا ليه بشكل لبق ما يسببش للي قدامنا نفور مننا ومن افكارنا.

اختلافنا نعمه وليست بنقمه ابداا. في بيت شعر لطيف جدا بيتقول:
مهما العُقُوْلُ تَبايَنَتْ فِيمَا تَرَى
تَبْقَ القُلُوبُ بِودُهَا دَومًا تَفِي
هَبْ أَنَّ رَأْيَكَ غَيْرِ رَأْبِيْ يَا أَخِي
مَا شَأْنُ ودُّ بَيْنَنَا أَنْ يَحْتَفِي